“Ready or Not”, “Scream VI” зэрэг аймшгийн кинонуудаараа олонд танигдсан, Австралийн жүжигчин Самара Уивинг зөвхөн дэлгэцийн бүтээлээрээ бус, тоглоомд донтогч нэгэн гэдгээрээ шүтэн бишрэгчдийнхээ анхаарлыг татаж байна. Тэрээр зураг авалтын талбайд ч PS5 консолоо байнга авч явдаг бөгөөд чөлөөт цагаа видео тоглоом тоглож өнгөрөөх дуртай аж.
Самара Уивинг өгсөн ярилцлагадаа “Red Dead Redemption” болон “Assassin’s Creed” цувралуудын үнэнч шүтэн бишрэгч гэдгээ онцолжээ. Түүний хувьд киноны зураг авалтын завсарлагааны үеэр эдгээр тоглоомыг тоглох нь стресс тайлах хамгийн шилдэг арга болдог байна. Тэрээр “Red Dead Redemption”-ийн өргөн уудам ертөнц болон “Assassin’s Creed”-ийн түүхэн адал явдалт өрнөлүүд нь түүнийг өөр ертөнцөд аваачдаг хэмээн ярьжээ.
Холливудын одод ихэвчлэн завгүй хуваарьтай байдаг ч Самара ийнхүү тоглоом тоглох хоббигоо орхидоггүй нь олон залуу тоглоомчдын талархлыг хүлээгээд байна. Киноны зураг авалтын хүнд нөхцөлд ч өөрийн дуртай тоглоомоо тоглож, амарч чаддаг нь түүнийг энгийн, даруухан нэгэн гэдгийг харуулж буй юм.
