АНУ болон ОХУ-ын хооронд хийгдэж буй тохиролцоо, түүнчлэн АНУ-ын Ерөнхийлөгч Дональд Трамп, Украины Ерөнхийлөгч Володимир Зеленский нарын хоорондын маргаан нь Украиныг гадуур үлдээж болзошгүй нөхцөл байдлыг үүсгээд байна.
Киев болон түүний хамгийн чухал холбоотон болох Вашингтоны харилцаанд сүүлийн өдрүүдэд томоохон хохирол учирсан үйл явдлууд өрнөлөө. Тодруулбал, АНУ-ын зүгээс Украинд үзүүлдэг тагнуулын дэмжлэгээ зогсоохоор заналхийлсэн, ОХУ-ын экспортод тавьсан тарифыг цуцалсан, мөн ОХУ-д дайнаа санхүүжүүлэхэд нь тус болохуйц дизель түлшний хэлэлцээр зэрэг асуудлууд хөндөгдөөд байна.
АНУ-ын Ерөнхийлөгч Дональд Трамп эрчим хүчний үнэ өссөнд бухимдаж байгаа бөгөөд үүний бурууг тодорхой хэмжээнд Украины зүгээс Оросын газрын тос боловсруулах үйлдвэрүүдэд хийсэн цохилттой холбон үзэж, Украины Ерөнхийлөгч Володимир Зеленскийг удаа дараа шүүмжилсэн юм. Түүнчлэн АНУ-аас үзүүлдэг хиймэл дагуулын интернэт үйлчилгээ тасалдсан зэрэг асуудлууд гарчээ.
