АНУ-ын Холбооны Харилцаа Холбооны Комисс (FCC) Хятадын харилцаа холбооны компаниудад Америкийн утасны дугаар олгохыг хориглох шинэ санал дэвшүүлээд байна. Тус байгууллага энэхүү шийдвэрээ үндэсний аюулгүй байдлыг хангах болон дотоодын сүлжээгээ хамгаалах шаардлагатай холбон тайлбарлажээ.
Энэхүү санал болгож буй зохицуулалтын хүрээнд China Mobile, China Telecom, China Unicom болон бусад үйлчилгээ үзүүлэгч компаниуд интернэтэд суурилсан ярианы үйлчилгээгээр дамжуулан АНУ-ын утасны дугаар авах боломжийг хязгаарлаж болзошгүй байгааг тус комиссоос пүрэв гарагт мэдээлсэн байна.
Зохицуулагч агентлаг уг саналын дагуу шийдвэр гаргах санал хураалтыг ирэх 11 дүгээр сарын 19-ний хуралдаанаараа явуулахаар товложээ.
