АНУ-ын зэвсэгт хүчин Ираны боомтуудад тогтоосон бүслэлтийг зөрчихийг оролдсон Панамын далбаатай ачааны хөлөг онгоц руу гал нээсэн тухайгаа мэдэгдлээ.
Мягмар гарагт АНУ-ын Төв командлал (CENTCOM) олон нийтийн сүлжээгээр дамжуулан мэдээлэл хийхдээ, АНУ-ын Тэнгисийн цэргийн хүчний MH-60 нисдэг тэрэг Оманы буланд байсан M/V Vela Nova хөлөг онгоц руу пуужингаар харваж, хөдөлгүүрийн өрөөг нь гэмтээж ажиллагаагүй болгосон гэжээ.
Тус цэргийн байгууллагын мэдээлж буйгаар, уг хөлөг онгоцны иргэний багийнхан Америкийн хүчнийхний өгсөн удаа дараагийн анхааруулгыг үл тоомсорлосон тул ийнхүү гал нээхэд хүрсэн байна. АНУ-ын Төв командлал уг хөлөг онгоцыг АНУ-ын бүслэлтийг зөрчин Иран руу чиглэн явах боломжгүй болсон гэдгийг нэмж тодотгожээ.
