Сүүлийн үед АНУ-д агаарын тээврийн тийзний үнэ өсөж, шатахууны үнэ өндөр хэвээр байгаа нь зорчигчдыг галт тэргийг илүүтэй сонирхоход хүргэж байна. Гэвч ийнхүү төмөр замын тээврийг сонгох иргэдийн тоо нэмэгдэж байгаа нь тус улсын төмөр замын тогтолцоонд томоохон сорилт үүсгэж эхэллээ.
Ази болон Европын орнуудтай харьцуулахад АНУ-ын төмөр замын сүлжээ нь зорчигч тээвэрлэхэд бус, харин ачаа тээвэрлэхэд зориулагдсан байдаг нь гол асуудал болоод байна. Үүний улмаас зорчигчид галт тэргээр зорчихыг хүсэх бүрдээ хуучирсан эсвэл зөвхөн ачаа тээвэрт чиглэсэн дэд бүтцийн хүндрэлтэй тулгарч байна.
Өнөөгийн нөхцөлд АНУ-ын төмөр замын систем нь хүн ам болон жуулчдын эрэлт хэрэгцээг бүрэн хангаж чадахгүй байгаа бөгөөд энэ нь тус улсын тээврийн салбарт тулгамдаж буй томоохон саад бэрхшээлүүдийн нэг болоод байна.
