Холливудын нэрт жүжигчин, Оскарын шагналт Бен Аффлек болон Jeopardy! нэвтрүүлгийн аварга Жейми Динг нар алдарт 'Хэн саятан болох вэ?' (Who Wants to Be a Millionaire) нэвтрүүлэгт оролцож, 1 сая долларын шагналын эзэд боллоо.
Энэхүү ялалт нь тус нэвтрүүлэгт түүний дотны найз, жүжигчин Мэтт Дэймон оролцож, мөн ижил хэмжээний шагнал хүртсэнээс хойш яг нэг жилийн дараа тохиож байна. Бен Аффлек болон Жейми Динг нар уг мөнгөн шагналыг буяны үйлсэд зориулахаар болжээ.
Бен Аффлек нь Холливудын алдартай жүжигчин, найруулагч бөгөөд 'Арго' киногоороо Оскарын шагнал хүртэж байсан юм. Харин түүнтэй хамт оролцсон Жейми Динг нь Америкийн нэртэй асуулт хариултын 'Jeopardy!' тэмцээний аварга гэдгээрээ олонд танигдсан нэгэн билээ.
