Евровидение дууны тэмцээний 70 дахь удаагийн наадамд Болгар улсын төлөөлөгч Дара “Bangaranga” дуугаараа түрүүлж, тус улсад анхны ялалтыг авчирлаа. Тэмцээний фаворитуудын тоонд багтаагүй байсан Болгарын оролцоо ийнхүү гэнэтийн бөгөөд гайхалтай амжилт үзүүллээ.
“Bangaranga” дуу нь хурц хэмнэл, хялбархан тогтоогдохоор аялгуутай, залуусын эрч хүчийг илэрхийлсэн уриатай гэдгээрээ үзэгчдийн таашаалд нийцсэн байна. Дарагийн хувьд энэ нь олон улсын тавцанд өөрийгөө таниулах том боломж болж байгаа бөгөөд Болгарын хөгжмийн ертөнцөд шинэ хуудас нээгдлээ гэж хэлж болно.
Евровидение бол Европын өргөн нэвтрүүлгийн холбоо (EBU)-ноос жил бүр зохион байгуулдаг олон улсын дууны тэмцээн юм. Энэхүү тэмцээн нь Европ болон Австрали, Израиль зэрэг гишүүн орнуудын дуучдыг цуглуулж, өөрсдийн орныг төлөөлөн оролцох боломж олгодог билээ.
Энэ жилийн тэмцээн маш өрсөлдөөнтэй болж өнгөрсөн. Шүүгчид болон үзэгчдийн санал хуваагдаж, эцсийн мөчид Болгарын ялалт тодорхой болсон юм. Болгарын ялалт нь зөвхөн тус улсын хувьд төдийгүй, жижиг орнууд ч гэсэн чадварлаг уран бүтээлчдээрээ дамжуулан олон улсад хүлээн зөвшөөрөгдөх боломжтой гэдгийг харуулсан чухал үйл явдал боллоо.
