Дэлхийд алдартай Америкийн рок хамтлаг The Killers-ийн гоцлол дуучин Брэндон Флауэрс хөгжмийн салбарт үргэлжлүүлэн ажиллах эсэхдээ эргэлзэж эхэлснээ хуваалцлаа. Тэрээр өөрийн карьерын ирээдүйн талаар нээлттэй ярилцахдаа "Би хэр удаан энэ бүхнийг хийхийг хүсэж байна вэ?" хэмээн өөрөөсөө асуудаг болсон байна.
Флауэрс өөрийн бодлоо хуваалцахдаа Rolling Stones хамтлагийн домогт дуучин Мик Жаггер-ийг жишээ болгон дурджээ. Тэрээр "Би Мик Жаггерийн тухай боддог. Түүнийг тайзан дээр гаргаж, үргэлжлүүлэн дуулуулж байгаа зүйл нь чухам юу юм бол?" хэмээн гайхшран асуусан байна.
Хөгжмийн ертөнцөд олон жил амжилттай яваа уран бүтээлчийн хувьд энэхүү эргэцүүлэл нь түүний цаашдын төлөвлөгөөнд хэрхэн нөлөөлөх нь одоогоор тодорхойгүй байна.
