Хятадын албаны хүмүүс ихэвчлэн эерэг мэдээллийг түгээж, сөрөг талыг нуун дарагдуулах хандлагатай байдаг нь суртал ухуулга болон албан тушаал ахихтай холбоотой гэж үздэг. Тиймээс ч 7-р сарын 22-нд болсон үйл явдал олон нийтийн анхаарлыг ихэд татлаа.
Автомашины үйлдвэрлэл, технологийн судалгаагаараа алдартай, аж үйлдвэрийн томоохон төв болох Чанчунь хотын намын дарга Жан Эньхуй тус уламжлалт хандлагыг эвдэж, хотын эдийн засагт тулгарч буй "урьд өмнө байгаагүй хүндрэл бэрхшээл"-ийн талаар олон нийтэд ил тод мэдэгджээ.
Гэвч түүний энэхүү мэдэгдэл тус хотын захиргааны вэбсайтаас маш хурдан хугацаанд устгагдсан байна. Хятадын эрх баригчид хэрэглээг дэмжих бодлогоо хэрхэн хэрэгжүүлэх нь тодорхойгүй байгаа энэ үед албан тушаалтны ийм төрлийн мэдэгдэл болон түүнийг даруй устгасан үйлдэл нь анхаарал татаж байна.
