Газын зурваст үргэлжилж буй мөргөлдөөний улмаас амь үрэгдэгсдийн тоо өссөөр байна. Өнгөрсөн оны аравдугаар сард Израиль болон Хамас бүлэглэлийн хооронд гал зогсоох хэлэлцээр байгуулсан хэдий ч тус бүс нутагт цэргийн ажиллагаа үргэлжилсээр байгаа юм. Газын Эрүүл мэндийн яамны мэдээлснээр, уг хэлэлцээр байгуулагдсанаас хойшхи хугацаанд Израилийн явуулсан ажиллагааны улмаас 1005 палестин иргэн амиа алджээ.
Хэдийгээр олон улсын зүгээс талуудыг энхийн хэлэлцээрт уриалж, гал зогсоохыг шаардаж байгаа ч бодит байдал дээр мөргөлдөөн намжихгүй байна. Олон улсын хүмүүнлэгийн байгууллагууд Газын зурвас дахь энгийн иргэдийн аюулгүй байдал, хоол хүнс, эмнэлгийн тусламжийн хүртээмж эрс муудаж байгааг онцолсоор байна.
Израилийн тал энэхүү ажиллагааг өөрийн улсын аюулгүй байдлыг хангах, Хамас бүлэглэлийн эсрэг чиглэсэн гэж тайлбарлаж буй бол Палестины тал болон олон улсын хүний эрхийн байгууллагууд энгийн иргэд хамгийн их хохирч байгааг шүүмжилдэг. Одоогийн байдлаар нөхцөл байдал улам хурцадмал хэвээр байгаа бөгөөд талуудын хоорондох зөрчил шийдвэрлэгдэх болоогүй байна.
