Европын бүс нутагт үргэлжилж буй ган гачиг, хэт халалтын улмаас эрчим хүчний салбарт хүндрэл үүсээд байна. Ялангуяа Дунай мөрний усны түвшин эрс буурсан нь тус бүс нутгийн улс орнуудын эрчим хүчний тогтвортой байдалд томоохон сорилт болж байгаа юм.
Одоогоор Унгар болон Румын улсууд эрчим хүчний хямралын нөлөөг илүүтэй мэдэрч байна. Байгалийн энэхүү хүндрэл нь тус улсуудын цахилгаан эрчим хүчний үйлдвэрлэл болон түгээлтэд шууд нөлөөлж байгаа аж.
Гэвч бүх улс орон ижил нөхцөл байдалтай тулгараагүй байна. Тухайлбал, Болгар улс энэ төрлийн эрсдэлээс урьдчилан сэргийлэх тал дээр илүү бэлтгэлтэй байгаа нь ажиглагдаж байна. Одоогоор тус улс эрчим хүчний хангамжаа тогтвортой барих чиглэлд тодорхой түвшний бэлэн байдлыг хангажээ.
