Оросын армиас оргож, Германд орогнол хүссэн залуусын нөхцөл байдал хүндхэн хэвээр байна. DW болон Орос хэл дээрх Astra хэвлэлийн мэдээлснээр, Герман улс руу дүрвэсэн цэргүүдийн орогнол хүссэн өргөдлийг эрх баригчид бараг бүгдийг нь татгалзаж байгаа ажээ.
Энэхүү асуудалтай холбогдуулан DW болон Astra агентлаг өөрсдийгөө аврахаар зугтсан залуусын нэгтэй ярилцсан байна. Тэрээр эх орон руугаа буцаагдах тохиолдолд фронтын шугамд илгээгдэж, амиа алдахаас чин сэтгэлээсээ эмээж байгаагаа илэрхийлжээ.
Тэдний хувьд өөр сонголт байгаагүй тул ийнхүү зугтахаас өөр аргагүйд хүрсэн гэж үзэж байна. Гэвч хүсэлтүүд нь олноор татгалзагдаж байгаа нь эдгээр залуусыг нэн эгзэгтэй нөхцөл байдалд оруулж байна.
