Германы зэвсэг үйлдвэрлэгч томоохон компани болох Rheinmetall-ын тэргүүн Армин Паппергер Оросын зүгээс ирж буй амь насанд нь заналхийлсэн аюулын эсрэг хатуу байр суурьтай байгаагаа илэрхийлжээ.
Тэрээр одоогоор цагдаагийн хамгаалалтад байгаа бөгөөд Rheinmetall-ын Дюссельдорф дахь төв байранд байхдаа ч бие хамгаалагчдын хамт явдаг байна. Түүний эсрэг Оросын зүгээс аллага үйлдэхээр төлөвлөж байсан гэх мэдээлэл байгаа юм.
Армин Паппергер ням гарагт өгсөн ярилцлагадаа энэ салбарт ажиллаж байгаа хүн "бууж өгөх" буюу айж зугтах нь сонголт биш гэдгийг онцолжээ. Тэрээр хэлэхдээ, "Эдгээр ажлыг хийх ёстой бөгөөд дарамт шахалтыг дааж чадахгүй хүн энэ ажилд тохирохгүй" хэмээн байр сууриа илэрхийлсэн байна.
Rheinmetall нь Германы зэвсгийн салбарын томоохон төлөөлөл бөгөөд тус компанийн тэргүүн ийнхүү өөрийн аюулгүй байдлын асуудлыг үл тоон үүрэгт ажлаа гүйцэтгэсээр байна.
