АНУ-ын Ерөнхийлөгч Дональд Трамп Европын холбооноос Америкийн технологийн салбарын томоохон компаниудад ногдуулсан торгуулийн асуудлаар хатуу байр суурь илэрхийллээ. Тэрээр эдгээр торгуулийг бүрэн эргэн харж, хүчингүй болгох ёстой гэж үзэж байгаагаа мэдэгдэв.
Трампын зүгээс мөрдөн шалгалт явуулахыг зорьж буй энэхүү шийдвэр нь Google компаниас гадна Apple, Meta (Facebook, Instagram, WhatsApp-ийн эзэмшигч), болон Amazon зэрэг дэлхийн технологийн салбарын тэргүүлэгч компаниудад хамаатай юм.
АНУ-ын Ерөнхийлөгчийн энэхүү мэдэгдэл нь тус улсын технологийн аварга компаниудын эрх ашгийг хамгаалах болон Европын холбооны зохицуулалтын бодлоготой зөрчилдөх чиглэлд томоохон өөрчлөлт гарч болзошгүйг харуулж байна. Одоогоор торгуулийг цуцлахтай холбоотой албан ёсны үйл ажиллагаа эхлээгүй байгаа бөгөөд асуудал үргэлжилж байна.
