АНУ-ын Ерөнхийлөгч Дональд Трамп даваа гарагт болсон хэвлэлийн хурлын үеэр өөрийн холбоотон, АНУ-ын прокурор Жанин Пиррог олон нийтийн өмнө шүүмжилсэн байна. Тэрээр Вашингтон дахь Линкольны дурсгалын цогцолборын усан санд гарсан гэх вандализмын хэргийг прокурорын зүгээс хэрэгсэхгүй болгосон явдалд бухимдалтай байгаагаа илэрхийлжээ.
Трамп сэтгүүлчдэд өгсөн мэдээлэлдээ Жанин Пиррог шүүгчийн дарамт шахалтад орж, "шүхэр шиг эвхэгдлээ" буюу бууж өглөө хэмээн тодорхойлсон байна. Тэрээр үргэлжлүүлэн: "Тэд хэргийг үйлдсэн хүмүүсийн араас хөөцөлдөхийн оронд шүүгч нь түүнийг болон түүний хэлтсийг дарамталсан. Тэр эмэгтэйг яаж тэвчээргүй хандсаныг нь би ойлгохгүй байна, яг юу болсныг ч мэдэхгүй юм" хэмээн ярьжээ.
Уг хэргийн тухайд Жанин Пиррогийн албанаас өнгөрсөн баасан гарагт шүүхэд баримт бичиг гаргасан байна. Ерөнхийлөгч Трамп прокурорыг хэргийг хэрэгсэхгүй болгосондоо "амьсгаадаж, сандарсан" хэмээн үзэж, түүний шийдвэрийг хүчтэй эсэргүүцэж байгаагаа илэрхийлэв.
