АНУ-ын Лос-Анжелес хотын шүүгч Шарлейн Олмедо дуучин D4vd-ийг 14 настай Селесте Ривас Эрнандезийг хөнөөж, цогцсыг нь эвдэлсэн хэрэгт шүүх хурал явуулах хангалттай нотлох баримт бүрдсэн гэж үзжээ. Энэхүү шийдвэрийг даваа гарагт таван өдрийн турш үргэлжилсэн урьдчилсан хэлэлцүүлгийн дараа гаргасан байна.
Прокуроруудын танилцуулсан баримтуудад дурдсанаар, хохирогч Селесте Ривас Эрнандез нь өөрсдийн харилцааг олон нийтэд дэлгэж, дуучны карьерийг дуусгавар болгоно хэмээн сүрдүүлсний улмаас уг хэрэг гарсан гэж үзэж байгаа ажээ.
Шүүгчийн шийдвэрийн дагуу дуучин D4vd-ийг хүн амины хэрэг, 14-өөс доош насны хүүхдийг бэлгийн хүчирхийлэлд байнга оруулсан болон хууль бус үйлдэл хийсэн зэрэг хэд хэдэн зүйл ангиар шүүх хурал болох юм. Энэхүү хэрэг нь олон нийтийн анхаарлыг ихэд татаад байна.
