Foo Fighters хамтлагийн гоцлол дуучин Дэйв Грол талийгаач бөмбөрчин Рийд Муллиныг амьд ахуйд нь түүний нөхөн сэргээх эмчилгээний төлбөрийг хувиасаа төлж байсан нь ил боллоо. Энэхүү хүндэтгэлтэй үйл явдлын талаар Corrosion Of Conformity хамтлагийн дуучин, гитарчин Пеппер Кинан саяхан өгсөн ярилцлагадаа дурдсан байна.
Рийд Муллин нь 2020 оны нэгдүгээр сард таалал төгссөн юм. Түүнийг эрүүл мэндийн асуудалтай байх үед хамтлагийнхан нь бүх талаар туслахыг хичээж байжээ. Кинан энэ талаар ярихдаа: "Дэйв Грол тусламжийн гараа сунгаж, нөхөн сэргээх эмчилгээний төлбөрийг өөрийн халааснаас төлсөн. Энэ бол маш сайхан сэтгэл байсан, би үүнийг хэзээ ч мартахгүй" хэмээв.
Дэйв Грол болон Рийд Муллин нар 2014 онд Teenage Time Killers супер хамтлагт хамтран ажиллаж байсан түүхтэй. Уг төсөлд Slipknot хамтлагийн Кори Тэйлор, Queens Of The Stone Age хамтлагийн гишүүн асан Ник Оливери, Lamb Of God хамтлагийн Рэнди Блайт зэрэг алдартай уран бүтээлчид багтаж байв.
Пеппер Кинан талийгаач бөмбөрчин Рийд Муллиныг дурсахдаа: "Тэр бол бөмбөр дээрх жинхэнэ амьтан байсан. Түүний бүтээлч байдал болон хөгжмийн хэв маягийг урагшлуулах чадварыг хэн ч гүйцэхгүй байв. Тэр бол энэ урсгалыг үндэслэгчдийн нэг байсан" хэмээн онцолжээ.
