Европын холбоо (ЕХ) Хятадаас импортолж буй бараа бүтээгдэхүүнд чиглэсэн худалдааны бодлогоо чангатгаж эхэллээ. Брюссель хот Хятадаас орж ирэх хямд өртөгтэй импортын бараанд олгодог байсан гаалийн хөнгөлөлтийг албан ёсоор цуцалсан байна.
Энэхүү шийдвэр нь Хятад улстай хийж буй худалдааны хэлэлцээний хүрээнд гарч байгаа бөгөөд талууд худалдааны урсгалыг илүү нягт хянах, хоёр талын хамтын ажиллагааг сайжруулах асуудлаар тохиролцоонд хүрчээ. Тус хэлэлцээний гол зорилгын нэг нь ховор элементийн нийлүүлэлт болон түүнд хүрэх боломжийг сайжруулах явдал юм.
Европын холбоо болон Бээжингийн зүгээс худалдааны харилцаагаа зохицуулах чиглэлээр хийж буй энэхүү алхам нь олон улсын зах зээл дэх бараа бүтээгдэхүүний эргэлт, нийлүүлэлтийн сүлжээнд нөлөөлөхүйц үйл явдал болж байна.
