Лэйкерс багийн домогт тоглогч Жэймс Уорти Леброн Жэймсийн тус багт өнгөрүүлсэн хугацаа болон түүний оруулсан хувь нэмрийн талаар байр сууриа илэрхийлжээ.
TMZ Sports-т өгсөн ярилцлагадаа Уорти Леброн Жэймсийг багаас явахыг хүсэхгүй байгаагаа илэрхийлсэн байна. Тэрээр NBA-д шинэ эрин үе эхэлж байгааг онцлоод, Леброн Жэймсийн Лос-Анжелес хотын багт авчирсан нэг удаагийн аварга цомыг үнэлэх ёстой гэж үзэж байгаа аж.
Лэйкерс багийн хөгжөөн дэмжигчдийн дунд Леброныг багтаа авчирсан амжилтад нь сэтгэл хангалуун хүмүүс олон байгаа юм. Жэймс Уортигийн хувьд тус багт авчирсан аварга цомыг багийн түүхэн дэх чухал амжилт хэмээн үзэж байна.
