Бямба гарагт Израил улс Ливаны өмнөд хэсэгт агаараас цохилт өгсний улмаас наад зах нь 11 хүн амиа алдлаа. Энэ нь 6 дугаар сарын 20-нд Израил болон Хезболлах бүлэглэлийн хооронд байгуулсан гал зогсоох тохиролцоо хүчин төгөлдөр хэрэгжиж эхэлснээс хойших хамгийн олон хүний амь эрсэдсэн халдлага болж байна.
Ливаны Эрүүл мэндийн яам болон тус улсын төрийн мэдээллийн агентлагийн мэдээлснээр, эхний агаарын цохилт Ансар тосгоны захад байрлах нэгэн орон сууцыг оносон байна. Уг халдлагын улмаас гурван хүүхэд багтсан нийт долоон хүн амиа алдаж, хоёр иргэн шархаджээ.
Мөн Дейр аль-Захрани тосгонд хийсэн хоёр дахь агаарын цохилтын улмаас дөрвөн хүн амь үрэгдэж, 17 хүн гэмтэж бэртсэн байна.
Израил болон Ливаны засгийн газар өмнө нь харилцан тохиролцооны "хүрээний хэлэлцээр" зарлаад байсан юм.
