Арабын Нэгдсэн Эмират улсын Гадаад хэргийн яамнаас Иран улсыг тус улсын төрийн өмчит Абу Дабигийн үндэсний газрын тосны компани (ADNOC)-ийн танкер руу дайрсан гэж мэдэгдэв. Уг халдлага нь танкерыг Ормузын хоолойгоор дамжин өнгөрөх үед гарсан байна.
Иран улс нь Ормузын хоолойг бүрэн хяналтдаа авч, тус хоолойг ашиглаж буй талуудаас төлбөр авахыг зорьж байгаа юм. Энэхүү үйлдэл нь АНУ-ын зүгээс эрс эсэргүүцэлтэй тулгарч байна. Үүний зэрэгцээ Иран улс хоолойн ирээдүйн удирдлагын зохион байгуулалтын талаар Оман улстай хэлэлцээ хийж байгаа ажээ.
Арабын Нэгдсэн Эмират улсын Гадаад хэргийн яамнаас гаргасан мэдэгдэлд Ираны зүгээс танкер руу чиглэсэн энэхүү дайралтыг "дайсагнасан халдлага" хэмээн тодорхойлж, эрс буруушаасан байна.
