Итали улс Испанитай хийдэг Шенгений бүсийн хил дамнасан чөлөөт зорчих журмыг нэг сарын хугацаатай түдгэлзүүлж байгаагаа баасан гарагт мэдэгдлээ. Энэхүү шийдвэр нь Испанийн Сеута хот руу Марокко улсаас олноор ирж буй цагаачдын урсгалтай холбоотой юм.
Итали болон Испани улсууд нь хуурай газраар хиллэдэггүй хэдий ч энэхүү арга хэмжээ нь хоёр улсын хооронд агаараар буюу онгоцоор, эсвэл далайгаар зорчиж буй иргэдэд шууд нөлөөлөх юм. Ингэснээр дээрх чиглэлд зорчигчид хил нэвтрэхдээ паспорт заавал үзүүлэх шаардлагатай болж байна.
Италийн Дотоод хэргийн яамнаас гаргасан мэдэгдэлд дурдсанаар, тус улс нь цагаачдын хямралын эсрэг ийм алхам хийж байгаа аж. Энэхүү шийдвэр нь Мадридын эрх баригчдын дургүйцлийг хүргэх нь тодорхой байна.
