АНУ-д олны анхаарлыг татаад буй Нэнси Гүтригийн хэрэгтэй холбоотой шинэ асуудал үүсжээ. Хүргэлтийн ажил хийдэг Карлос Палазуэлос нь тус хэргийн мөрдөн шалгах ажиллагааны үеэр хууль сахиулагчдад буруугаар саатуулагдсан гэж үзэж байна.
Тэрээр цагдаа нар түүнийг зэвсэглэн саатуулах үеэр гэрт нь их хэмжээний хохирол учруулсан хэмээн мэдэгдээд байгаа юм. Карлос Палазуэлос энэхүү үйл явдалтай холбогдуулан шүүхэд хандахаар төлөвлөж байгаа аж.
Түүний зүгээс тухайн үед цагдаа нарын учруулсан гэх эвдрэл, сүйтгэлийг баталгаажуулсан гэрэл зургуудыг гаргаж ирээд байна. Одоогоор уг хэрэгтэй холбоотой шүүхийн үйл явц эхлэх шатандаа байгаа бөгөөд Карлос Палазуэлос өөрийн нэхэмжлэлээ баримтжуулахаар ажиллаж байна.
