Холливудын алдартай жүжигчин, инээдмийн киноны од Рик Моранис удаан хугацааны завсарлагын дараа кино дэлгэцнээ эргэн ирэхээр болсон тухай мэдээлэл олон нийтийн анхаарлыг татаж байна. Тэрээр 1997 оноос хойш томоохон хэмжээний кино төсөлд оролцоогүй байсан юм.
Саяхан болсон Comic-Con арга хэмжээний үеэр түүнийг 'Spaceballs' киноны үргэлжлэл болох 'Spaceballs: The New One' төсөлд эргэн ирж, өөрийн алдартай дүр болох Дарк Хелметийн дүрийг дахин бүтээх болсныг зарлажээ. Энэхүү мэдэгдлийн дараа цугларсан олон нийт түүнийг халуун дотноор хүлээн авч, уухайлан алга ташиж байна.
Тус кино нь 2027 онд үзэгчдийн хүртээл болох төлөвтэй байгаа бөгөөд олон жилийн дараа Рик Моранис дэлгэцэнд эргэн харагдах болсон нь кино сонирхогчдын дунд хүлээлт үүсгээд байна.
