Тикток платформ дээр сонирхолтой, этгээд өнцөг бүхий хошин бичлэгүүдээрээ олонд танигдсан Грэйс Рейтер Америкийн алдарт инээдмийн шоу ‘Saturday Night Live’ (SNL)-ийн 52 дахь улирлын шинэ жүжигчнээр сонгогдлоо. Тэрээр өмнө нь Mashable-аас нэрлэсэн онцлох контент бүтээгчдийн жагсаалтад багтаж байсан юм.
Рейтер нь Тикток дээр 3.9 сая гаруй дагагчтай бөгөөд түүний бичлэгүүд хүний толгойд орж ирдэг хачин бодол, зуршлуудыг илэн далангүй харуулдгаараа онцлогтой. Тэрээр инээдмийн бүтээлүүдээ бусад хүмүүстэй холбогдох, тэдэнд ийм бодол зөвхөн өөрт нь төрдөггүй гэдгийг мэдрүүлэх зорилгоор хийдэг тухайгаа хуваалцаж байжээ. Түүнчлэн түүний найзуудтайгаа хамтран хийсэн 'The Hunger Games (but Better)' пароди кино нь YouTube дээр 13 сая хандалт аваад байна.
Цахим орчноос гадна Рейтер 'Stapleview' нэртэй шууд дамжуулдаг тиктокийн скэтч шоунд оролцож, HBO-ийн 'The Chair Company' болон бродвейн бус тайзны бүтээл болох 'Ginger Twinsies'-д тоглож байжээ. Мөн тэрээр өөрийн зохиолыг нь бичиж, найруулсан 'Minimum Wage' цувралд дүр бүтээхээр төлөвлөгдөөд байгаа юм.
Энэ улиралд Рейтерээс гадна Квинсээс гаралтай комедиан, найруулагч Сайда Бело-Осажи SNL-ийн шинэ жүжигчнээр нэгдэж байна. SNL шоуны 52 дахь улирал 9 дүгээр сарын 26-нд NBC сувгаар эхлэх бөгөөд эхний дугаарыг сагсан бөмбөгч Жэйлен Брансон хөтөлж, KATSEYE хамтлаг хөгжмийн зочноор оролцох хуваарьтай байна.
