Блокчэйн болон крипто ертөнцийн хөгжил уламжлалт санхүүгийн салбартай (TradFi) улам бүр гүнзгийрэн холбогдож байна. Энэ чиглэлд токенжуулалт нь крипто салбараас уламжлалт санхүүгийн зах зээлд гаргасан анхны томоохон бүтээгдэхүүн болсон юм.
Тэгвэл энэ салбарын дараагийн том өөрчлөлт нь RWA буюу бодит хөрөнгийг (Real World Assets) барьцаалсан фьючерс (perps) гэрээ байх болно гэж DWF Labs-ийн зах зээлийн шинжилгээ хариуцсан тэргүүн Мартин Ли үзэж байна. Түүний таамаглаж буйгаар, RWA-д суурилсан фьючерс гэрээнүүд нь токенжуулалтын үзүүлэлтээс давж гарах төлөвтэй байна.
DWF Labs нь крипто зах зээлийн томоохон тоглогчдын нэг бөгөөд зах зээлийн динамик болон хөрөнгө оруулалтын чиг хандлагыг судалдаг байгууллага юм. Мартин Лигийн энэхүү байр суурь нь крипто хөрөнгийн зах зээл зөвхөн дижитал актив төдийгүй бодит хөрөнгийн эргэлтийг санхүүгийн дериватив хэрэгслээр дамжуулан хэрхэн өөрчлөх боломжтойг харуулж байна.
