Европын хөлбөмбөгийн холбоо (УЕФА) нь олон улсын хөлбөмбөгийн холбоо буюу ФИФА-гийн зүгээс дэвшүүлж буй хөрөнгө оруулалтын шинэ төлөвлөгөөг эсэргүүцэж байгаагаа илэрхийллээ. УЕФА-гийн бүрэлдэхүүнд багтдаг 55 гишүүн холбоо санал хураалт явуулсны дүнд, хэрэв ФИФА болон тус байгууллагын ерөнхийлөгч Жанни Инфантино өөрсдийн санал болгосон төлөвлөгөөнөөс ухрахгүй бол ирээдүйд зохион байгуулагдах Дэлхийн аваргын тэмцээнүүдийг бойкотлох шийдвэр гаргажээ.
УЕФА-гийн зүгээс "Дэлхийн аварга шалгаруулах тэмцээн бол худалдааны бараа биш" хэмээн хатуу байр суурь илэрхийлсэн байна. Одоогоор талуудын хооронд үүсээд буй маргаантай асуудал нь хөлбөмбөгийн спортын ирээдүйн хөгжил болон зохион байгуулалтын тал дээр томоохон зөрчилдөөн үүсгэж байгаа юм. ФИФА-гийн ерөнхийлөгч Жанни Инфантино болон тус байгууллагын удирдлагууд одоогийн байдлаар энэхүү эсэргүүцлийн хариуд тодорхой алхам хийгээгүй байна.
