Украины нийслэл Киев болон түүний эргэн тойрны бүс нутагт Оросын талаас хийсэн халдлагын улмаас дөрвөн хүн амиа алдсаныг орон нутгийн албаныхан бямба гарагт мэдээллээ. Амиа алдагсдын дунд гурван настай хүүхэд болон хоёр ахмад настан байгаа аж.
Орос улс Украины эсрэг бүрэн хэмжээний дайн эхлүүлснээс хойш дөрвөн жил өнгөрч буй энэ үед Киевийн оршин суугчид дроны болон пуужингийн байнгын дайралтад өртөж байна. Одоогоор Украины агаарын довтолгооноос хамгаалах системүүд нөөц дууссаны улмаас эдгээр халдлагыг сөрөн зогсоход хүндрэлтэй байгаа юм.
Үүнтэй зэрэгцэн Украин улс Оросын нутаг дэвсгэр дэх газрын тос боловсруулах үйлдвэрүүдийг онилон цохилт өгсөөр байна. Ийнхүү Украины талаас Оросын байгууламжууд руу давтан халдлага үйлдсэний улмаас түлшний хомсдол үүсэж, Оросын талд тодорхой хэмжээний сандрал бий болоод байгаа талаар эх сурвалжид дурджээ.
