Францын тансаг зэрэглэлийн шилэн эдлэл үйлдвэрлэгч Lalique компанийн музейд томоохон хэмжээний хулгайн гэмт хэрэг гарсан байна. Ням гарагийн үүрээр тус музейд маск зүүсэн бүлэг этгээдүүд дайран оржээ.
Францын зүүн хойд хэсэгт байрлах Винген-сюр-Модер хотын музейд гарсан уг халдлага орон нутгийн цагаар өглөөний 05:30 цагийн орчимд болсон байна. Мөрдөн байцаалтын ажиллагаанд ойр эх сурвалжийн мэдээлснээр, гэмт этгээдүүд музейн хаалгыг эвдэн орж, үнэт эдлэлийн танхим руу чиглэжээ. Тэд нийт зургаан шилэн хоргийг хагалан, олон сая еврогийн үнэ бүхий эд зүйлсийг хулгайлсан байна.
Энэхүү үйл явдал нь Парис хотын Луврын музейд тохиолдсон үнэт эдлэлийн томоохон хулгайн хэргээс хэдхэн сарын дараа гарч байгаагаараа анхаарал татаж байна. Одоогоор гэмт этгээдүүдийн талаарх мөрдөн байцаалтын ажиллагаа үргэлжилж байна.
