Хонконгт гэрийн үйлчлэгчээр ажиллаж буй Филиппин эмэгтэйчүүд амьдралын эрхээр хойш тавьсан бакалаврын зэрэг хамгаалах зорилгоо биелүүлэхээр хичээж байна.
Тэдний нэг болох Диан Агоной Хонконгт ажиллахаар эх орноо орхихдоо гэр бүлээ ардаа үлдээхээс өөр аргагүйд хүрчээ. Тэрбээр “Би хүүхдүүдийнхээ олон чухал мөч, гэр бүлийн онцгой өдрүүдийг алдсан. Зурган дээр үргэлж би л байдаггүй” хэмээн хуваалцсан юм. Агоной залуудаа их сургуулиа орхин гэрлэж, гэр бүлтэй болжээ. Гэвч олон ажилд шаардагддаг бакалаврын зэрэггүй байсан тул тэрээр гадаадад гэрийн үйлчилгээний ажил хийхээр шийдсэн байна.
Үүнтэй төстэй нөхцөл байдал Желани Агилариод ч мөн тохиолджээ. Тэрбээр бакалаврын зэрэг авахын тулд хоёр ч удаа оролдож үзсэн бөгөөд эхлээд улс төрийн чиглэлээр суралцахаар зорьж байсан юм.
