АНУ-ын Ерөнхийлөгч Дональд Трамп хэвлэл мэдээллийн гурван байгууллагыг Цагаан ордны нутаг дэвсгэрт нэвтрэхийг хориглосон шийдвэр гаргажээ. Үүний хариуд Америкийн телевизийн сүлжээнүүд Цагаан ордны хамтарсан сурвалжлах үүргээсээ татгалзсан байна.
Энэхүү шийдвэрийн дараа CNN, MS Now болон Politico агентлагууд АНУ-ын Үндсэн хуулийн Нэгдүгээр нэмэлт өөрчлөлтөөр олгогдсон эрхээ хамгаалахын тулд Ерөнхийлөгч Дональд Трамп болон түүний засаг захиргааны бусад гишүүдийг шүүхэд өгч байгаагаа даваа гарагт мэдэгдлээ.
Дээрх гурван хэвлэл мэдээллийн байгууллага гомдлоо Колумбийн тойргийн холбооны шүүхэд гаргаж буйгаа засгийн газарт мэдэгдсэн байна. Тус хэргийн яаралтай сонсгол энэ долоо хоногт багтан явагдаж болзошгүй байгаа ажээ.
