Боксын ертөнцийн алдартай тамирчин, дэлхийн аварга Энтони Жошуа удахгүй Саудын Арабт болох Кристиан Пренгагийн эсрэг тулааны өмнө анхаарлын төвд ороод байна. Тэрээр саяхан DAZN сувагт өгсөн ярилцлагынхаа үеэр амьдралынхаа тодорхой нэгэн үйл явдлыг дурдахдаа дээрэм хийж байсан гэдгээ хүлээн зөвшөөрсөн байж болзошгүй гэх шуугиан дэгджээ.
Энэхүү ярианы эхлэл нь X (хуучнаар Twitter) сүлжээний @GreatBritishMC хэмээх хаягаас эхтэй бөгөөд уг бичлэгийг хуваалцсанаар асуудал олон нийтийн анхааралд өртсөн байна. Одоогоор тус тамирчны ярилцлагад хэлсэн үг нь үнэхээр дээрмийн гэмт хэрэгтэй холбоотой эсэх болон түүний амьдралын аль үеийг хөндсөн нь тодорхойгүй байгаа юм.
Энтони Жошуа нь ойрын өдрүүдэд Кристиан Пренгатай хийх томоохон тулаандаа бэлтгэж байгаа бөгөөд энэ үеэр гарсан дээрх мэдээлэл нь шүтэн бишрэгчдийн дунд маргаан дагуулаад байна. Одоогоор тамирчны зүгээс энэхүү мэдээлэлд албан ёсны тайлбар хийгээгүй байна.
