Энэтхэг улсын залуучуудын дунд 'Жомбо' (Cockroach) хөдөлгөөн эрчимтэй өрнөж байна. Энэхүү хөдөлгөөн нь анх тус улсад шалгалтын материал задарсан асуудлыг эсэргүүцсэн ёгт, шог хэлбэрийн тэмцэл байдлаар эхэлсэн юм.
Цаг хугацаа өнгөрөх тусам уг хөдөлгөөний цар хүрээ тэлж, өдгөө залуучуудын дунд тулгамдаж буй ажлын байрны хомсдол болон боловсролын тогтолцооны асуудлаарх бухимдлыг илэрхийлсэн томоохон эсэргүүцлийн хөдөлгөөн болон хувираад байна. Залуучууд өөрсдийн дуу хоолойгоо Ерөнхий сайд Нарендра Модигийн засаг захиргаанд хүргэхийг зорьж байгаа юм.
Энэхүү хөдөлгөөнд нэгдсэн залуучууд улс орныхоо нийгэм, эдийн засгийн нөхцөл байдалд шүүмжлэлтэй хандаж, боловсрол болон хөдөлмөр эрхлэлтийн салбарт бодит өөрчлөлт хийхийг шаардаж байна. Одоогоор тус хөдөлгөөн нь Энэтхэгийн залуу үеийнхний дунд томоохон хэлэлцүүлэг өрнүүлж, нийгмийн анхаарлыг татсаар байна.
