2026 оны Эммигийн шагнал гардуулах ёслолын улаан хивсний ёслолын үеэр алдартнууд “микрофон дамжуулах” (pass the mic) хөгжилтэй сорилтод оролцож, бие биедээ сонирхолтой асуултууд тавин хариулжээ. Энэхүү бичлэгт Крис Перфетти, Ричард Гэдд, Брүүкс Нейдер, Шабана Азиз, Жерран Хауэлл, Хэйли Калил болон бусад олон одод багтсан байна.
Улаан хивсний арга хэмжээний үеэр жүжигчид өөр хоорондоо чөлөөтэй яриа өрнүүлсэн юм. Тухайлбал, Жой Тейлороос энэ жил өөр жүжигчний бүтээсэн ямар дүрд тоглохыг хамгийн их хүсэж байсныг асуухад тэрээр жүжигчин Мэттью Рисийн бүтээсэн дүрийг онцолжээ. Харин жүжигчин Петер Краузегаас халуун өдөр хэрхэн биеэ сэрүүн байлгаж байгааг нь лавлахад тэрээр сэрүүцэж чадахгүй, зүгээр л хөлөрч байна хэмээн хариулсан байна.
Мөн өнгөрсөн үеийн ямар телевизийн цувралд тоглох байсан бэ гэсэн асуултад Крис Маршалл “Gilligan’s Island” цувралын Марианнагийн дүрийг нэрлэжээ. Жүжигчин Крис Перфетти хорвоогийн мөнх бусыг үзүүлсэн алдартнуудаас хэнтэй хамтран ажиллахыг хүсэх байсан бэ гэсэн асуултад нэрт жүжигчин Тим Карриг онцолсон байна.
Түүнчлэн Шабана Азиз өнөөдөр өмссөн хувцсаа тайлаад хамгийн түрүүнд дараагийн хувцсаа л өмсөнө гэж хэлсэн бол Жефф Хиллер хэрэв амттан байсан бол “Nutty Buddy” байх байсан гэжээ. Харин Жерран Хауэлл ямар ер бусын хүчтэй болохыг хүсэж буй тухайд нисэх чадварыг сонгосон бөгөөд хүмүүс үл үзэгдэгч болохыг хүсэхэд үргэлж сэжиглэнгүй ханддаг тухайгаа хуваалцсан байна.
