1970-аад оны сүүл, 1980-аад оны эхээр дэлхий даяар үзэгчдийн хайрыг татсан “Prairie дээрх бяцхан байшин” (Little House on the Prairie) цуврал кино дахин дэлгэцнээ гарах гэж байна. Энэ удаад Netflix стриминг үйлчилгээ уг киног сэргээн бүтээхээр болсон байна.
“Prairie дээрх бяцхан байшин” бол Америкийн зохиолч Лаура Ингаллс Уайлдерийн (Laura Ingalls Wilder) хүүхэд ахуй цагийн тухай бичсэн цуврал романууд юм. Эдгээр романууд нь 19-р зууны сүүл үеийн Америкийн баруун хэсэгт амьдарч байсан Ингаллс гэр бүлийн амьдралыг харуулдаг. Анхны телевизийн цуврал нь 1974-1983 оны хооронд NBC телевизээр гарч, тухайн үедээ маш их амжилт олсон билээ. Майкл Лэндон, Мелисса Гилберт зэрэг жүжигчид тоглосон нь үзэгчдийн сэтгэлд хоногшин үлдсэн.
Netflix-ийн шинэ хувилбарын талаар одоогоор дэлгэрэнгүй мэдээлэл бага байгаа ч сонгодог түүхийг орчин үеийн үзэгчдэд хүргэх зорилготой гэж мэдэгджээ. Энэхүү киноны трейлер цацагдсан бөгөөд үзэгчдийн дунд хүлээлт үүсгээд байна. “Prairie дээрх бяцхан байшин” киноны шинэ хувилбар нь гэр бүлийн үнэ цэнэ, тэсвэр хатуужил, хайр энэрлийн тухай түүхийг дахин сануулах болно гэдэгт итгэлтэй байна.
