Онлайн худалдааны Amazon платформ дээр Samsung брэндийн 34 инчийн Odyssey G5 (G55T) хэмээх хэт өргөн (ultra-wide) гэйминг дэлгэцийн үнэ 150 ам.доллароор буурчээ. Үндсэн үнэ нь 399.99 ам.доллар байдаг уг төхөөрөмжийг 38 хувийн хямдралтайгаар буюу 249.99 ам.доллароор авах боломжтой болсон байна.
Camelcamelcamel үнийн хяналтын системийн мэдээллээр энэ нь дөрөвдүгээр сараас хойших хамгийн хямд үнэ болж байгаа аж. Ихэвчлэн 280 орчим ам.долларын үнэтэй байдаг тус бүтээгдэхүүнийг гуравдагч этгээд бус Amazon өөрөө шууд нийлүүлж байгаа бөгөөд захиалгын хүргэлтийг 11 дүгээр сарын 6 эсвэл 7-ны өдөр хийх хуваарьтай байна.
Дэлгэцийн үзүүлэлт болон давуу тал
Samsung Odyssey G5 нь 21:9 харьцаатай, 3440 x 1440 (Ultra-WQHD) нягтаршилтай VA панел болон HDR10 технологийг агуулсан. Мөн хүний харах өнцөгт нийцүүлсэн 1,000R муруйлттай хийц нь өргөн дэлгэцийг илүү сайн мэдрүүлж, тоглоомын орчинд уусах боломжийг олгодог байна. Энэ нь Red Dead Redemption 2 зэрэг нээлттэй ертөнц бүхий тоглоомуудыг тоглоход маш сайн сонголт болдог төдийгүй GTA 6-ийн PC хувилбарыг хүлээж буй тоглогчдод тохирох төхөөрөмж байж болох юм.
Хурд болон гүйцэтгэлийн хувьд уг дэлгэц нь 165Hz давтамж (refresh rate) болон 1ms MPRT хариу үйлдэл үзүүлэх хугацаатай тул Fortnite, Apex Legends зэрэг хурдан хөдөлгөөнтэй онлайн тоглоомуудад дүрсийг гацалтгүй, маш жигд харуулна. Үүнээс гадна дэлгэцийн дүрс урагдах, кадра алдагдахаас сэргийлдэг AMD FreeSync Premium технологи суурилагдсан байна.
