Олон улсын хүний эрхийн төлөө тэмцэгч Amnesty International байгууллага Пүрэв гарагт шинэ тайлангаа танилцуулж, АНУ-ын Цагаачлал, гаалийн хяналтын алба буюу ICE-ийг татан буулгахыг уриаллаа. Тус алба нь ерөнхийлөгч Дональд Трампын цагаачлалын эсрэг бодлогыг хэрэгжүүлэх гол үүргийг гүйцэтгэж буй юм.
Хүний эрхийн байгууллагын зүгээс гаргасан “Бидэнд шүгэл байсан, тэдэнд буу байсан” гарчигтай уг тайланд ICE-ийн өргөн цар хүрээтэй ажиллагаануудын үеэр хүний эрхийг олноор зөрчсөн тохиолдлуудыг баримтжуулан дурджээ.
Уг тайлан нийтлэгдэхээс долоо хоног хүрэхгүй хугацааны өмнө Техас мужийн Остин хотод Венесуэлийн цагаач Уилбер Гарсес Перес ICE-ийн ажилтанд буудуулан шархадсан хэрэг гарсан байна.
