Америкийн телевиз, радиогийн салбарын шилдгүүдийг шалгаруулдаг нэр хүндтэй Peabody Awards-ын 2026 оны шагналтнуудын нэрс тодорчээ. Тус шагнал нь зөвхөн урлаг, соёлын бүтээлүүдийг бус, нийгэмд эерэг нөлөө үзүүлсэн хүмүүсийг ч мөн алдаршуулдгаараа онцлогтой.
Энэ жилийн шагналтнуудын дунд “Saturday Night Live” шоуны од, жүжигчин, продюсер Ами Полер (Amy Poehler) багтсан байна. Түүнийг комеди жанрт оруулсан хувь нэмрийг өндрөөр үнэлжээ. Манай залуус түүнийг “Parks and Recreation” цувралаар нь илүү сайн мэдэх байх.
Мөн “The Simpsons”, “As Good as It Gets” зэрэг алдартай кинонуудыг бүтээсэн найруулагч, продюсер Жеймс Л. Брүүкс (James L. Brooks) ч мөн шагнал хүртэхээр болжээ. Тэрээр телевизийн салбарт оруулсан гарамгай хувь нэмрээрээ үнэлэгдсэн байна.
Peabody Awards-ын шагнал гардуулах ёслол 2026 оны тавдугаар сарын 31-нд Беверли Хиллс дэх Beverly Wilshire Hotel-д болох юм. Энэхүү ёслолд олон алдартнууд оролцох төлөвтэй байна. Шагналтнууддаа баяр хүргэж, цаашдын уран бүтээлд нь амжилт хүсье!
