Холливуудын нэрт жүжигчин Анна Хэтэвэй Тэйлор Свифтийн “Eras Tour”-аас хэрхэн урам зориг авсан тухайгаа ярьжээ. Тэрээр “Mother Mary” (Ээж Мэри) хэмээх шинэ киноны зураг авалтын үеэр Тэйлор Свифтийн тоглолт нь түүнд маш том урам зориг өгсөн гэж мэдэгдсэн байна.
Анна Хэтэвэй Германд киноны зураг авалттай байх үеэрээ Тэйлор Свифтийн “Eras Tour”-ын тоглолтыг үзэж амжсан бөгөөд Тэйлор Свифт түүнд зориулан “Би чамайг харж байна” гэсэн утгатай гайхалтай захиа үлдээсэн гэнэ. Энэ тухайгаа Анна Хэтэвэй сэтгэл хөдлөн ярьсан байна.
Анна Хэтэвэй бол “The Devil Wears Prada”, “Les Misérables”, “The Princess Diaries” зэрэг олон алдартай кинонд тоглосон, Оскарын шагналт жүжигчин юм. Түүний “Ээж Мэри” кино нь поп соёл, шашны сэдвийг хослуулсан, ээдрээтэй драм төрлийн кино байх болно гэж үзэгчид хүлээж байна.
Тэйлор Свифтийн “Eras Tour” нь дэлхий даяар асар их амжилт олж байгаа бөгөөд олон сая шүтэн бишрэгчдийг байлдан дагуулж байгаа билээ. Энэхүү тоглолт нь зөвхөн хөгжим сонирхогчдод төдийгүй, жүжигчид, уран бүтээлчдэд ч урам зориг өгч байгаа нь харагдаж байна.
