Америкийн дуучин, жүжигчин Ариана Гранде зургаан жилийн дараа тайзнаа эргэн ирэх гэж байна. Тэрээр өөрийн Инстаграм хуудсандаа “Eternal Sunshine” нэртэй аялан тоглолтын бэлтгэлийн үеэрх зургаа нийтэлж, бүжигчидтэйгээ хамт хэрхэн ажиллаж байгаагаа харуулсан байна.
Түүний аялан тоглолт зургадугаар сарын 6-нд Оакланд хотын Арена цэнгэлдэх хүрээлэнд эхлэхээр төлөвлөгдөж байгаа бөгөөд фенүүд нь түүнийг тайзнаа дахин харахыг тэсэн ядан хүлээж байна. Ариана Гранде бол дэлхий дахинд алдартай поп од бөгөөд түүний дуунууд Billboard-ын жагсаалтыг олон удаа тэргүүлж байсан. Түүний өмнөх аялан тоглолт 2019 онд болж байсан бөгөөд түүнээс хойш шинэ цомог гаргаж, кинонд тоглож, хувийн амьдралдаа анхаарч байсан юм.
“Eternal Sunshine” аялан тоглолт нь түүний ижил нэртэй цомгийн дэмжлэг болж байгаа бөгөөд фенүүд нь шинэ цомгийн дуунуудаас гадна түүний хуучны хит дуунуудыг ч сонсох боломжтой.
Арианагийн фенүүд түүнийг тайзнаа эргэн ирэхийг маш ихээр хүсч байсан бөгөөд энэ удаагийн аялан тоглолт нь тэдний хувьд том бэлэг болж байна. Бид ч бас Ариана Грандед амжилт хүсье!
