Marvel Studios компани San Diego Comic-Con арга хэмжээг тохиолдуулан Avengers: Doomsday киноны анхны албан ёсны трэйлэрээ гаргажээ. Энэхүү бүтээл нь MCU буюу Marvel-ийн кино ертөнцийн зургаа дахь үе шатны төгсгөлийн өмнөх кино бөгөөд "Multiverse Saga" хэмээн нэрлэгдэж буй үйл явдлын төгсгөл болох юм.
Marvel Studios анх зургаа дахь үе шатны Avengers төлөвлөгөөгөө жүжигчин Жонатан Мэйжорсын бүтээсэн Кангийн дүр (Kang the Conqueror) дээр тулгуурлан бүтээхээр төлөвлөж байсан билээ. Тэрээр өмнө нь Loki цуврал болон Ant-Man and the Wasp: Quantumania кинонуудад гарч байсан юм. Гэвч Жонатан Мэйжорс гэр бүлийн хүчирхийллийн хэрэгт буруутай нь тогтоогдсоны дараа студийн зүгээс түүнийг ажлаас нь халсан байна.
Энэхүү шийдвэрийн улмаас Marvel өөрсдийн төлөвлөгөөгөө өөрчлөх шаардлагатай болсон юм. Үүний хүрээнд Marvel-ийн түүхэн дэх хамгийн амжилттай дөрвөн киног найруулж, дэлхийн зах зээлээс 6 тэрбум гаруй ам.долларын орлого олж байсан Руссогийн ах дүүс эргэн ирж байгаагаа зарласан байна.
