АНУ-ын алдартай ундаа үйлдвэрлэгч Mountain Dew брэндийн Baja Blast хэмээх амтат ундааг хэрэглэгчид андахгүй биз ээ. Тэгвэл тус брэнд Walmart сүлжээ дэлгүүртэй хамтран өөрсдийн алдартай амтыг шингээсэн гутлыг худалдаанд гаргаснаар залуусын дунд жинхэнэ шуугиан тарьж байна.
Baja Blast бол цахирмаа, лайм жимсний холимог амттай, Mountain Dew-ийн хамгийн алдартай бүтээгдэхүүнүүдийн нэг юм. Тус ундааг шүтэн бишрэгчид зөвхөн зуны улиралд л худалдаанд гардаг байсан тул үргэлж тэсэн ядан хүлээдэг байсан. Харин одоо тэд зөвхөн амталж мэдрэх бус, хөлөөрөө ч мэдрэх боломжтой боллоо.
Энэхүү гутал нь Baja Blast ундааны өнгө, загварыг ягштал дуурайсан бөгөөд хэрэглэгчдийн таашаалд нийцсэн байна. Гутал худалдаанд гарсан даруйдаа л Walmart-ын онлайн дэлгүүр болон зарим салбаруудаар зарагдаж дууссан тухай мэдээлэл байна. Олон хэрэглэгчид олон нийтийн сүлжээгээр дамжуулан гутал худалдаж авч чадаагүйдээ харамсаж байгаагаа илэрхийлж байна.
Mountain Dew брэндийн зүгээс энэхүү амжилттай хамтын ажиллагаа нь хэрэглэгчдийн хүсэл эрмэлзлийг хэр зэрэг ойлгож байгаагийн илрэл гэж үзэж байгаа бөгөөд цаашдаа ч сонирхолтой, шинэлэг бүтээгдэхүүнүүдийг гаргахаа амлаж байна. Харин залуус бидний хувьд дуртай ундаагаа хувцас, гутал болгон өмсөж, өөрсдийгөө илэрхийлэх шинэ боломж нээгдэж байгаа нь сайхан хэрэг.
