АНУ-ын хип хоп хөгжмийн түүхэнд тодоор бичигдсэн Beastie Boys хамтлагийн гишүүн Майк Ди (Mike D) сүүлийн үед хийж буй уран бүтээл болон урлагийн салбарын тулгамдсан асуудлуудын талаар NME сэтгүүлд ярилцлага өгсөн нь залуучуудын дунд ихээхэн анхаарал татаж байна.
Майк Ди нь Beastie Boys хамтлагийн гоцлол дуучин Адам Яух (Adam Yauch) 2012 онд таалал төгссөний дараа ганцаарчилсан уран бүтээл туурвиж буй тус хамтлагийн анхны гишүүн болж байгаа юм. Тэрээр энэ талаар “Би бүх зүйлийг дахин мэдэрч сурах хэрэгтэй болсон” хэмээн сэтгэгдлээ хуваалцжээ.
Ярилцлагын үеэр Майк Ди Их Британийн хойд хэсэгт орших бинго танхимд NME сэтгүүлийн сурвалжлагчтай уулзсан нь түүний жижиг, бие даасан урлагийн тайз, клубуудийг дэмжих хүсэл эрмэлзлийг харуулсан үйлдэл байлаа. Тэрээр эдгээр жижиг тайзууд нь шинэ уран бүтээлчид төрөн гарах, хөгжим сонирхогчид өвөрмөц орчинд хөгжим сонсох боломжийг олгодог тул тэдгээрийг хадгалж үлдэх нь чухал болохыг онцолсон юм.
Орчин үед томоохон концертын танхимууд болон олон улсын тоглолтууд давамгайлж байгаа ч жижиг хэмжээний тайзууд нь орон нутгийн урлагийн амьдралыг тэтгэж, уран бүтээлчдэд чөлөөтэй туршилт хийх боломжийг олгодог. Майк Дигийн энэхүү санаачилга нь дэлхий даяар урлагийн салбарт ажиллаж буй олон мянган хүмүүст урам зориг өгч, жижиг тайзны ирээдүйн талаар хэлэлцүүлэг өрнүүлэхэд чухал нөлөө үзүүлнэ гэдэгт итгэлтэй байна.
