Дэлхийд алдартай рок хөгжмийн домогт Beatles хамтлагийн шүтэн бишрэгч RednasVGM нэртэй уран бүтээлч 'The Legend Of Zelda: Ocarina Of Time' тоглоомын хөгжмийн цомогт зориулсан сонирхолтой хувилбарыг бүтээжээ. Энэхүү төсөл нь тоглоомын хөгжмийн зохиолч Кожи Кондогийн бүтээлүүд дээр Beatles хамтлагийн дуунуудаас авсан үг, хэллэгийг нэмж оруулснаар бүрдсэн байна.
Уг цомог нь нийт 80 минут үргэлжлэх бөгөөд бүтээгч нь ямар ч хиймэл оюун ухаан ашиглаагүй гэдгээ онцолсон байна. Тэрээр энэхүү төсөл дээр 18 сарын турш ажиллажээ. Уг цомгийн ихэнх дуунууд хамтлагийн гишүүд өөрсдийгөө танилцуулж, тоглоомын үйл явдлыг өгүүлснээр эхэлдэг байна.
RednasVGM өөрийн YouTube суваг дээрээ бичихдээ, энэхүү төсөл нь төгс биш ч гэсэн өөрийн дуртай хоёр зүйлийг хослуулсан хүндэтгэл гэдгээ илэрхийлжээ. Сонсогчид болон шүтэн бишрэгчдийн зүгээс энэхүү бүтээлийг "хүний гараар хийгдсэн, маш их хөдөлмөр шингэсэн" гэх мэтээр эерэгээр хүлээн авч байна.
Үүний зэрэгцээ, Nintendo компани ирэх онд 'The Legend Of Zelda: Ocarina Of Time' тоглоомын шинэчилсэн хувилбарыг Switch 2 консол дээр гаргахаар төлөвлөж байгаа юм. Nintendo-гийн тэргүүн Шигэру Миямотогийн хэлснээр, хуучин тоглоомуудыг шинэчлэн гаргах нь залуу үеийнхэнд тэдгээр тоглоомыг тоглох боломж олгох зорилготой ажээ.
