Америкийн алдартай Billboard хөгжмийн чартын Хятад дахь салбар болох Billboard China дэлхийн зах зээлд зориулсан 'SPOTLIGHT' нэртэй тусгай дугаараа гаргахаар болсноо зарлалаа. Энэхүү дугаар нь дэлхийн хэмжээний онцгой уран бүтээлчдийг тодруулах зорилготой юм байна.
'SPOTLIGHT' цувралын анхны дугаарын нүүрийг SM Entertainment-ийн бэлтгэгч (trainee) бүлэг болох SMTR25-ын долоон гишүүн чимэхээр болжээ. SM Entertainment нь Өмнөд Солонгосын хамгийн том зугаа цэнгээний компаниудын нэг бөгөөд Super Junior, Girls' Generation, EXO, Red Velvet зэрэг олон алдартай K-pop хамтлагуудыг төрүүлсэн билээ.
Billboard China-ийн энэхүү шинэ санаачилга нь Азийн уран бүтээлчдийг дэлхий дахинд таниулах, тэдний бүтээлийг сурталчлахад чухал алхам болно гэж үзэж байна. Ялангуяа SMTR25 шиг залуу, ирээдүйтэй хамтлагийг анхны дугаарын нүүрэнд сонгосон нь тэднийг дэлхийн зах зээлд гаргах том боломж юм.
'SPOTLIGHT' дугаар нь зөвхөн нүүрэн дээрх уран бүтээлчдийг тодруулахаас гадна, дугаар дотроо тухайн уран бүтээлчийн ярилцлага, фото зураг болон бусад сонирхолтой мэдээллүүдийг багтаах юм байна. Энэхүү тусгай дугаар нь дэлхий даяар тархах бөгөөд залуу уншигч бидний хувьд шинэ уран бүтээлчдийг нээж, Азийн хөгжмийн ертөнцтэй илүү ойр танилцах боломжийг олгох болно.
