Дэлхийн томоохон хөрөнгө оруулалтын менежментийн BlackRock компанийн дэмжлэгийг авдаг Securitize компани SPAC буюу тусгай зориулалтын нэгдлийн компаниар дамжуулан биржид бүртгүүлж, хувьцаагаа арилжаалж эхэлсэн байна. Гэвч зах зээлд гараад удаагүй байгаа тус компанийн хувьцааны ханш 40 хувиар унасан үзүүлэлттэй байна.
Хэдийгээр сүүлийн үед хөрөнгийн зах зээл дээр токенжуулалтын салбарт өсөлт ажиглагдаж байгаа ч Securitize-ийн хувьд ийнхүү хүндхэн эхлэлийг тавилаа. Arca компанийн шинжээч Жефф Дорманы тэмдэглэснээр, энэхүү уналт нь дижитал хөрөнгөтэй холбоотой компаниуд биржид анх удаа бүртгүүлснийхээ дараа ханшийн уналт үзүүлдэг түгээмэл хандлагатай нийцэж байна.
