Америкийн рок хөгжмийн нэрт төлөөлөгч, “Босс” хочоороо олонд танигдсан Брюс Спрингстийн саяхан Миннеаполис хотод болсон тоглолтын үеэр Принсийн “Purple Rain” дууг гайхалтайгаар дуулж, хөгжмийн ертөнцийг шуугиуллаа. Энэ нь түүний хувьд сүүлийн 10 жилд анх удаа энэ дууг олон нийтэд тоглосон тохиолдол болж байна.
Тоглолтод Rage Against the Machine хамтлагийн гитарчин Том Морелло хамтран оролцсон нь үзэгчдийг бүр ч ихээр баярлуулсан. Мореллогийн чадварлаг гитарын хэмнэл Спрингстиний хүчирхэг хоолойтой хоршин “Purple Rain”-ийг урьд өмнө байгаагүйгээр сэргээсэн юм.
Принс бол мөн л Америкийн хөгжмийн ертөнцийн тод оддын нэг байсан бөгөөд түүний “Purple Rain” дуу нь дэлхий дахинд хит болж, олон сая хувь борлогдсон билээ. Брюс Спрингстиний хувьд Принсийг хүндэтгэн дурсаж, түүний дууг ийнхүү амилуулсан нь фэнүүдийн зүрх сэтгэлийг хөдөлгөж, олон нийтийн сүлжээнд өргөн хэлэлцүүлэг өрнүүлэв.
Тоглолтын бичлэг цахим ертөнцөд тавигдсаны дараа шүүмжлэгчид болон хөгжим сонирхогчдын зүгээс өндөр үнэлгээ авч байна. Олон хүмүүс Спрингстиний энэ тоглолтыг Принсийн дууг гайхалтайгаар мөнхөлсөн хэрэг боллоо хэмээн магтаж байна.
