Канад улсад төвтэй крипто үйлчилгээ үзүүлэгч Bull Bitcoin компани Франц улсад мөрдөгдөж буй Европын Холбооны DAC8 хэмээх крипто мэдээлэл цуглуулах дүрэм журмыг эсэргүүцэн шүүхэд гомдол гаргажээ. Энэ нь Европын Холбооны хэмжээнд уг дүрмийн эсрэг чиглэсэн анхны томоохон хуулийн сорилт болж байна.
DAC8 нь крипто хөрөнгө эзэмшигчдийн мэдээллийг албадан цуглуулж, нэгтгэх зорилготой зохицуулалт юм. Гэвч Bull Bitcoin компани энэхүү шаардлага нь хэрэглэгчдийн хувийн нууцад халдаад зогсохгүй, татвар хураах зорилгодоо хүрэхэд сөрөг нөлөөтэй гэж үзэж байна. Тус компанийн зүгээс мэдээллийг албадан нэгтгэх нь хэрэглэгчдийг зохицуулалтгүй, хяналтгүй өөр хувилбарууд руу түлхэх эрсдэлтэй хэмээн анхааруулж байна.
Одоогоор уг шүүхийн маргаан үргэлжилж байгаа бөгөөд Европын Холбооны крипто салбарын зохицуулалтад томоохон өөрчлөлт авчрах эсэх нь анхаарал татаж байна.
