Криптовалютын арилжааны Bybit бирж Умард Солонгосын хакеруудын үйлдсэн гэгдэх 1.5 тэрбум долларын хохиролтой халдлагын мөрийг мөрдөх эрх зүйн зөвшөөрлөө авлаа. АНУ-ын шүүхээс тус биржид хөрөнгийн урсгалыг хянах, мөрдөх зорилгоор хурдавчилсан ажиллагаа явуулахыг зөвшөөрсөн байна.
Энэхүү шийдвэрийн хүрээнд Bybit бирж АНУ-д үйл ажиллагаа явуулдаг бусад платформуудаас хакеруудтай холбоотой байж болзошгүй дансны эзэмшигчдийн мэдээлэл, үлдэгдэл болон гүйлгээний түүхийг шаардах эрхтэй болж байна. Энэхүү мөрдлөгийн гол зорилго нь алдагдсан хөрөнгийн эх үүсвэр болон түүнийг хэрхэн шилжүүлж буйг тогтооход чиглэж байгаа юм.
Bybit нь криптовалютын арилжаа, хөрөнгө оруулалтын үйлчилгээ үзүүлдэг олон улсын томоохон платформ юм. Тус бирж нь шүүхийн энэхүү шийдвэрийг ашиглан хууль бус гүйлгээг илрүүлэх, улмаар хөрөнгийн хөдөлгөөнийг хянах чиглэлээр ажиллахаар төлөвлөж байна.
