Олон улсын поп хөгжмийн ертөнцийн од Charli xcx өөрийн шинэ цомог болох «Music, Fashion, Film»-ийн «B-Sides Edition» буюу нэмэлт дуунууд бүхий хувилбарыг iTunes-д байршууллаа.
Энэхүү шинэ хувилбарт “I Keep On Thinking Bout You Every Single Day and Night”, “Playboy Bunny” болон “If You Take the Music Then What Has She Got?” гэсэн гурван шинэ дуу багтсан байна. Эдгээр дуунууд нь өмнө нь дуучны Instagram дэх @b.sides хаягаар дамжуулан шүтэн бишрэгчдэдээ хүрсэн бөгөөд “Rock Music”, “SS26”, “Camera” синглүүдийн пянз болон цомгийн иж бүрдэлд багтаж байсан юм. Гэвч тэдгээр нь дижитал хэлбэрээр худалдаалагдаагүй байв.
Дуучин өмнө нь эдгээр дууг стриминг үйлчилгээнд оруулахгүй байх бодолтой байгаагаа илэрхийлж байсан ч, шүтэн бишрэгчдийнхээ хүсэлтийг харгалзан үзэж, iTunes-ээр дамжуулан худалдаанд гаргахаар шийджээ. Тэрээр энэ тухайгаа өөрийн сошиал хуудсаар дамжуулан “Та намайг хоёр нүүртэй гэж дуудаж болно, би татгалзахгүй” хэмээн хошигносон байна.
iTunes дээр 4.99 ам.доллараар худалдаалагдаж буй энэхүү цомогт үндсэн 11 дуунаас гадна дээрх гурван нэмэлт дуу болон тэдгээрийн клипүүд багтжээ. Charli xcx-ийн хувьд “Music, Fashion, Film” цомогтойгоо хамт ижил нэртэй богино хэмжээний киног гаргасан бөгөөд есдүгээр сарын 11-нээс эхлэн Хойд Америкийн хотуудаар аялан тоглолт хийхээр төлөвлөөд байна.
